“1” style=”color:#7A8DBC;background-color:#7A8DBC” />
فيه لقينا كل المعلمات علينا ملاحظات غير مرغوب فيها مكرررررة لنا كلنا
بس للأسف موب فاهمين وش القصد منها لانها مو بس غير مرغوب فيها الا ماهي مفهومة
1- قصور في دليل المعلمة .
2- عدم الاستماع لتوجيهات مشرفة التقويم الشامل .
الاولى موب فاهمينها ابدا والثانية محد وجهنا لا لخير ولا لشر تجي المشرفة تحضر الحصة
وتقول كلمة يعطيك العافية وتطلع يعني ما وجهتنا ولا نقدتنا طيب شلون انقص على شي
ما صار
وعندي استفسار اخر اللي هو جاتنا مشرفة التقويم الشامل وخلتنا المديرة نوقع على ورقة
الاطلاع على استمارة التقويم وعدم الاعتراض على اي شيء واحنا ما شفنا النتيجة ولا شفنا
لا سلبيات ولا ايجابيات ولما رفضوا بعض المدرسات التوقيع زعلت مديرتنا وعصبت واحنا
بصراحة نحبها ونغليها ومانبي نزعلها فرحنا ووقعنا قبل لا نطلع على اي استمارة
اخذت مشرفة التقويم الشامل استمارة الاطلاع اللي وقعنا عليها ومشت وبعد ما راحت جابت لنا المديرة السلبيات والايجابيات واغلبها مااقتنعنا فيه ومن ضمنه اللي كتبته لكم فووق
لو بعد العيد رفعنا تظلم وانا درجتنا ماهي عاجبتنا واننا انظلمنا هل يرفضون طلبنا لاننا وقعنا على الاستمارة بدون اعتراض ؟
اخواني واخواتي من له خبرة بالتقويم الشامل ينصحني ويوجهني لان درجتنا كانت متدنية بشكل
غير مرضي ابداا رغم اننا متوقعين الافضل وانصدمنا بالدرجة اللي حصلنا عليها رغم اننا من
اروع المدارس على مستوى المنطقة
انتظر ردودكم لاني اثق بكم وبآرائكم اخواني واخواتي الافاضل