“1” style=”color:#7A8DBC;background-color:#7A8DBC” />
أليكم هذا الموضوع
أنا معلمة فكري في روضه نموذجيه على بند محو الاميه الله يخلف ويجعله في موازين حسناتي لدي خمس بنات مبدعات في نظري ,,,,اعمارهم تتراوح من خمس الى ثمان سنوات
المهم روضتنا أقامو حفل على مستوى المنطقه أنا مره فرحت طلبت من المسؤلات في الحفل الي هم معلمات انهم يدمجون بناتي معهم بالحفل محد عطاني وجه طبعا بناتي اربع غير ناطقات وواحده ناطقه
المهم انا جلست افكر ورحت وجبت فكره جوهنميه وخليت وحده تصمملي اياها بمبلغ وقدره المهم جبت الفكره انجنوا معلمات الروضه عليها طبعا الفكره فيها دمج للعادين مع بناتي المهم يوم جاء وقت التدريب بناتي انجزو اول يوم ثاني كانو ((متكرنات)) وماتكلمو المهم قامو واستبعدو بناتي من الحفله كليا بحكم ان الحفله على مستوى المنطقه ومايبون اي لخبطه
أنا تفشلت قدام الامهات والامهات زعلو ليش بناتهم ماطلعو في الحفل وين الدمج الي انتم تنادون فيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
المهم انا صكت فيني الدنيا واكتئبت جدن جدن جدن وصعبوا علي الامهات وبراعمي الخمسه الي هم مبدعات في عيني
حلفت وقررت اني اسويلهم حفله لهم خاصه بس عشان اطلع حرتي واوريهم ان بناتي يقدرون يقدمون مثل باقي الاطفال ولا اكسر بخاطر الامهات
الحفل يوم الاربعا 7/6/1441هـ
طبعا الحفل على حسابي الخاص
بس مايهم لو اشحذ عادي بس اهم شي اوسع صدورهم واوصل للكل سواء كانت ام او معلمه او مستخدمه ان المعاقين يقدرون يقدمون
المهم انا جبت لهم فقرات حلوه وبسيطه ولا اخفيكم أن في الحفل عنصر مفاجاءه راح ينبسطون عليه كل الحضور راح اوا فيكم به بعد الاربعاء ان شاء الله
الوهقه وشي
الطلب <<<<<<<<<<<أنا راسبه بالتعبير ما اعرف اعبر ابي من الاخوان الاجواد والاخوات الاجوديات يساعدوني بكلمه القيها بالحفل
تكون فيها العناصر التاليه
ان المدرسه للجميع
ان المعاق عقليا القابل للتعلم يكون قادرعلى التعلم في حدود قدراته العقليه وانه يستطيع ان يعطي في اي جانب قوي لديه
لان بعض الامهات لمست منهم انهم يعاملون بناتهم انهم غير قادرين على عمل اي شي او تعلم اي شي وان المدرسه فتحت بس عشان يوسعون صدورهم فقط..
ووالله ياليت بس تشوفون الفرق اول ماجابوهم والحين تغير جذري ولله الحمد والمنه
والي عنده اي اضافه فلا يبخل علي بالله
ادري الوقت ضيق بس الله يباركلنا ان شاء الله
وادري انكم ماراح تقصرون معي
وان شاء الله اخونا ابو ناصر والجنوبي وباقي الاعضاء مايقصرون
والي مايقدر يحط اي شي ياليت بس يرفع الموضوع جعله الله في ميزان حسناتكم..
شاكره لكم جداااااااااااااااااااااااااااا
اختكم المتوهقه معلمة فكري
يارب ماتخذلوني
إذا أردت شيئا بقوة …فأطلق سراحه ***فإن عاد إليك …فهو لك
وإن لم يعد إليك …فهو لم يكن لك من البداية . ,,