“1” style=”color:#7A8DBC;background-color:#7A8DBC” />
اتمنى ان احصل منكم على اجابه لما اعانيه من الموجهه وسلبية الاداره المدرسيه
بداية السنه قامت الموجهه بتحويل مدرسة ماده العلوم لتدريس ماده الاقتصاد بسبب خلاف سابق بينهما العام الماضي وتبرر ذلك بان تخصصها الجامعي لايجيزها لتدريس العلوم بالرغم من انها قامت بتدريسه لعدة سنوات بسبب النقص في عدد المدرسات ومع اعتراف الموجهه نفسها بتميز هذه المعلمه في تدريس العلوم خلال تلك الفتره الا انها منعتها من تدريس العلوم ثم يتم انتدابها اجباريا لمدرسه اخرى مع ان انصبة المعلمات فيها لا تتجاوز 18 حصه .
الان انا نصابي 20 حصه وبوجود معلمات من تخصصي في مدارس اخرى انصبتهن 4 و 8 و12 حصه ؟
لماذا لاتنتدب لنا معلمه لتخفف الانصبه؟
الموجهه تقول انا لااستطيع ان اجبر معلمه على الندب لمدرستكم.( لماذا اذا تجبر زميلتنا على الانتداب وتهدد بحرمانها من التوقيع؟)
والادهى انها تقول اذا تعرفين اي معلمه ترغب ان تاتي لمدرستكم اجيبها!!!!!!!!!!!!
يعني انا اترك شغلي والبس عباتي وادور من مدرسه لمدرسه عندكم معلمه زياده؟
ليش اصلا خلوها تدرس علوم مع انهم عارفين انه مو تخصصها ولا لانهم هم المستفيدين؟
معقوله نظام الوزاره عندنا يقوم على الفزعه!
واللي يقهر زياده موقف المديره السلبي على الاقل طالبيها ببديله.
ما اعرف وش اعمل امتنع عن تدريس النصاب اللي اضافوه لي ؟طيب والطالبات وش ذنبهن؟
وش يقول النظام في مثل هالحاله ؟
ولا اخذ اجازه بدون راتب او ادبر اجازه مرضيه بواسطه والذنب في رقبة الموجهه؟
وليش الحصص تتوزع بالواسطه؟
متى نتخلص من ظلم الموجهات؟
الله يخليكم ابي حل نظامي اواجههم فيه بقوه
حسبي الله ونعم الوكيل على كل من يستخدم نفوذه وموقعه في التسلط على الغير
